بھارت: علما نے مسلمانوں سے 15 فروری کو بچے اسکول نہ بھیجنے کی اپیل کر دی

1 min read

Sharing is caring!


جے پور: بھارتی ریاست راجستھان میں علما نے مسلمانوں سے 15 فروری کو اپنے بچے اسکول نہ بھیجنے کی اپیل کر دی ہے، انھوں نے مقامی حکومت کے یوگا کے بہانے ’لازمی سوریہ نمسکار‘ کے احکامات کو مسترد کر دیا۔

تفصیلات کے مطابق گزشتہ دنوں راجستھان حکومت نے اسکولوں میں ’سوریہ نمسکار‘ لازم کرنے کی ہدایت جاری کی ہے، 15 فروری کو تمام اسکولوں میں سوریہ سپتمی کے موقع پر یوگا لازمی طور پر کیا جائے گا، جس پر جمعیت علمائے راجستھان نے اپیل کی ہے کہ مسلمان طبقہ 15 فروری کو اپنے بچے اسکول نہ بھیجیں اور تقریب کا بائیکاٹ کریں۔

جے پورمیں ہونے والے مجلس عاملہ اجلاس میں قرارداد منظور کی گئی، جس میں اسکولوں میں 15 فروری کو سوریہ سپتمی کے موقع پر طلبہ، والدین اور دیگر کے لیے اجتماعی ’سوریہ نمسکار‘ کے حکومتی حکم کی مذمت کی گئی، اور کہا گیا کہ یہ مذہبی معاملات میں کھلی مداخلت اور آئین میں دی گئی مذہبی آزادی کے خلاف ہے۔

دوسری طرف جمعیت علمائے ہند سمیت دیگر مسلم تنظیموں نے راجستھان ہائی کورٹ میں ایک مشترکہ درخواست بھی دائر کی ہے، جس میں 15 فروری کے پروگرام اور اسکولوں میں لازمی سوریہ نمسکار کے فیصلے کو کالعدم کرنے کا مطالبہ کیا گیا ہے، عدالت نے اس درخواست کی سماعت کے لیے 14 فروری کی تاریخ مقرر کی ہے۔

مجلس عاملہ کے اجلاس میں علما نے واضح کیا کہ ہندو سماج میں سوریہ کو خدا/دیوتا کے طور پر پوجا جاتا ہے، اس عمل میں بولے جانے والے کلمات، اشلوک وغیرہ جیسی سرگرمیاں پوجا کی ایک شکل ہیں، جب کہ مسلمانوں کے لیے اللہ کے سوا کسی اور کی عبادت شرک ہے، اس لیے امت مسلمہ کسی بھی صورت میں اسے قبول نہیں کرے گی۔

علما نے کہا کسی بھی جمہوری ملک میں یوگا کے بہانے کسی خاص مذہب کے عقائد کو دوسرے مذاہب کے لوگوں پر مسلط کرنا، بالخصوص بچوں کو مجبور کرنا آئینی اصولوں اور مذہبی آزادی نیز چائلڈ رائٹس کی کھلی خلاف ورزی اور ایک مذموم کوشش ہے۔

Comments





Source link

Oval@3x 2

Don’t miss latest news!

Select list(s):

We don’t spam! Read our [link]privacy policy[/link] for more info.

🕶 Relax!

Put your feet up and let us do the hard work for you. Sign up to receive our latest news directly in your inbox.

Select Your Choice:

We’ll never send you spam or share your email address.
Find out more in our Privacy Policy.

🕶 Relax!

Put your feet up and let us do the hard work for you. Sign up to receive our latest news directly in your inbox.

Select Your Choice:

We’ll never send you spam or share your email address.
Find out more in our Privacy Policy.

Sharing is caring!

You May Also Like

More From Author