پنجاب میں وزیر اعلیٰ کی امیدوار مریم نواز ہوں گی، شہباز شریف

1 min read

Sharing is caring!


اسلام آباد: مسلم لیگ ن کے صدر شہباز شریف کا کہنا ہے کہ پنجاب میں وزیر اعلیٰ کی امیدوار مریم نواز ہوں گی۔

اے آر وائی نیوز کے مطابق اسلام آباد میں مسلم لیگ (ق) کے سربراہ چوہدری شجاعت حسین کی رہائش گاہ پر ملکی سیاسی جماعتوں کا اجلاس ہوا جس میں آصف زرداری، شہباز شریف، خالد مقبول صدیقی، علیم خان، صادق سنجرانی ودیگر نے شرکت کی۔

اجلاس کے بعد میڈیا سے گفتگو میں ن لیگ کے صدر شہباز شریف نے کہا کہ اب تک یہی کہتا رہا ہوں کہ ہمارے وزیراعظم کے امیدوار نواز شریف ہوں گے، ان سے درخواست کروں گا کہ وہ وزیراعظم کا عہدہ سنبھالیں۔

شہباز شریف نے کہا کہ پی ٹی آئی کے پی میں جس کو بھی وزیر اعلیٰ نامزد کیا ہے اس کا احترام کرتے ہیں، صوبوں میں جس کی اکثریت ہے وزرات اعلیٰ اس کا حق ہے۔

انہوں نے کہا کہ تقسیم میں مینڈیٹ ملا ہے جس کو ہم سب قبول کرتے ہیں، پیپلزپارٹی کے شکر گزار ہیں کہ انہوں نے ن لیگ کو ووٹ دینے کا فیصلہ کیا ہے، چوہدری شجاعت، ایم کیو ایم، علیم خان، صادق سنجرانی کا بھی شکر گزار ہوں۔

شہباز شریف نے کہا کہ جو پارٹیاں یہاں موجود ہیں یہ ہاؤس کی دو تہائی اکثریت رکھتی ہیں، پی ٹی آئی کے آزاد امیدوار حکومت بنانے کا شوق رکھتے ہیں تو اکثریت لے آئیں، اگر پی ٹی آئی اکثریت لے آتی ہے تو ہم ان کا احترام کریں گے۔

انہوں نے کہا کہ ہم اس قابل ہیں ہمارے پاس اکثریت بھی ہے، مل کر پاکستان کی ترقی کے لیے شبانہ روز محنت کریں گے، پاکستان کو اپنے پاؤں پر کھڑا کرنے کے لیے مشکلات ہیں لیکن ناممکن نہیں۔

شہباز شریف نے کہا کہ قوم کی ترقی کے لیے ہم تمام اختلافات کو بھلا کر اکٹھے ہوں، اختلافی مسائل کو دفن کریں، انا کا مسئلہ ختم کریں، پاکستان کے مفاد میں ذاتی مفاد کو ختم کریں اور ساتھ چلیں۔

ن لیگی رہنما نے کہا کہ معیشت کو اپنے پاؤں پر کھڑا کرنا ہے جو سب سے بڑا چیلنج ہے، وہ قومیں آگے برھتی ہیں جن کی لیڈر شپ ملک کے لیے ایک ہوجائیں۔

شہباز شریف نے کہا کہ آئی ایم ایف معاہدے کی وجہ سے ملک کو معاشی استحکام ملا، ہم نے قرضوں کا معاملہ حل کرنا ہے، مہنگائی کے خلاف جنگ لڑنی ہے، معیشت کو بہتر کرنا ہے جو ایک اہم ایجنڈا ہے۔

Comments





Source link

Oval@3x 2

Don’t miss latest news!

Select list(s):

We don’t spam! Read our [link]privacy policy[/link] for more info.

🕶 Relax!

Put your feet up and let us do the hard work for you. Sign up to receive our latest news directly in your inbox.

Select Your Choice:

We’ll never send you spam or share your email address.
Find out more in our Privacy Policy.

🕶 Relax!

Put your feet up and let us do the hard work for you. Sign up to receive our latest news directly in your inbox.

Select Your Choice:

We’ll never send you spam or share your email address.
Find out more in our Privacy Policy.

Sharing is caring!

You May Also Like

More From Author